Қазақстандық сұлу боксшы Балауса Мұздиман Instagram желісіндегі танымал «Алға-Петербург» блогының жаңа кейіпкері атанды, деп хабарлайды аlmaty-akshamy.kz.
Видео авторы спортшының хирург болуды армандағынын, бірақ басқа бағытты таңдап, атақ-даңққа ие болғанын айтты.
«Бүгінгі күннің қаһарманы – Балауса Мұздиман. Ауылдан шыққан боксшы небәрі бір жылдың ішінде Қазақстандағы ең танымал спортшылардың біріне айналды! Балауса Ақши ауылының тумасы. Бала кезінде ұлдармен де жекпе-жекке шығып төбеле берген соң әкесі оны бойындағы артық энергияны шығару мақсатында бокс секциясына жібереді. Балауса Мұздиманның өте беймаза мінезіне қарамастан мектепті алтын медальмен бітіргені таң қалдырады!
Білікті хирург болуды армандаған оны тағдыры боксқа алып келіп тіреді. Ол Қазақстан құрамасына үміткерлердің қатарында, 2024 жылы өтетін Олимпиада ойындарына қатысуды армандайды. Ол кәсіпқойлар арасында абсолютті әлем чемпионы болғысы келеді.
Жалпы, инстаграмды сұлулығымен жаулап алып, рингтегі қарсыластарына еш мүмкіндік қалдырмайтын ғажайып қыз! Ең бастысы, ол туған жері Ақшидың даңқын әлемге паш етеді!», - деп жазды «Алға Петербург».