2022 жылдың 1 қыркүйегінде Мемлекет басшысы Қасым-Жомарт Тоқаев Қазақстан халқына кезекті Жолдауын жолдаған болатын. Жолдау бес бағдарға бөлініп, әр сала бойынша атқарылар шаралар сараланып берілген. Жер, жол мәселесі, әйелдердің зейнеткерлік жасының төмендеуі, бала күтіміне арналған жәрдемақының ұзаруы, энергетика, тариф, ауылшаруашылығы саласы, кәсіпкерлікті қолдау! Яғни Президент қоғамның барлық саласын қамтыды.
Аталған Жолдаудың екінші бағдарында 2025 жылға дейін жергілікті жолдардың кемінде 95 пайызын жақсарту жөнінде тапсырма берді.
Президенттің ел даму үшін жасалатын қадамдарды нақты айтуы жұртшылықтың көңілінен шықты деп ойлаймын. Бір сөзбен айтқанда, Жолдау өзіндік нақтылығымен, ұғынықтылығымен ерекшеленді. Біз осы Жолдау міндеттері орындалып, тұрғындардың тұрмыс сапасын арттыру, денсаулық сақтау сферасын дамыту, инфрақұрылымды дамыту, елдегі төменгі жалақы мәселесін шешу сынды тегеурінді басымдықтар жүзеге асқан жағдайда елдің тұрмысы түзеліп, жағдайымыздың жақсаратынына сенеміз.
Мемлекет басшысы Президет пен Мәжіліс сайлауын мерзімінен бұрын өткізуді ұсынды. Сондай-ақ, Президент 1 мерзімге қайта сайлау құқығынсыз, 7 жыл мерзімге сайланатын нұсқа ұсынып, оны Парламент қарауына жолдады. Өз кезегінде бұл сайлаудың маңызы өте зор деп санаймын, әрі стратегиялық та, саяси да зор маңызға ие деп білемін. Себебі, партия туралы заңға өзгерістер енген соң, саяси әділетті топтардың ел мүддесі үшін атқарар істері де оңайлай түскені рас. «Әділетті Қазақстан» құру әділетті сайлау өткізуден бастау алатынына халықтың да сенімі мол.
Осы ретте қоғамдық өмірдің барлық салаларын цифрландыру мен автоматтандыру салықтан түскен табыстың ашық әрі адал түрде іске асуын қамтамасыз ететіні анық. Сонымен бірге, алдыңғы қатарлы озық инновациялық технологиялар жалпы кәсіпорындардың бәсекеге қабілеттілігін арттырып қана қоймай, ел тұрғындарының өмір сүру сапасын жақсарту үшін де қажет. Бұл бірінші кезекте цифрлы өркениет заманында адам капиталының дамуымен тығыз байланысты. Шын мәнінде бүгінгі күні ғаламторға қолжетімділіктің өсуі саяси ақпарат ағынын арттырып, азаматтардың білім мен жаңа заман талабына сай кәсіби шеберліктерді жаппай игеруіне жол ашты.
Қазіргі уақытта еліміздің барлық ЖОО, жұмыс орындары қала берді білім ордаларының барлығы дерлік цифрлы сауаттылыққа ие бола бастады. Осы ретте ғаламтар ғажайыптарының арқасында жастарымыз білімді, саналы басқа шетелдің азаматтарымен терезесі тең болып келе жатқаны жасырын емес. Бұл мемлекетіміздің халыққа жасаған үлкен қамқорлығы десек, артық айтпағанымыз.
Қазір қарап отырсақ, өскелең ұрпақ гаджеттер мен компьютердің ең соңғы нұсқаларарын шебер меңгерген. Соның арқасында еліміз дамыған мемлекеттердің қатарында көрініп келе жатқанын аңғаруға болады.
Президентіміз әлемдік геосаяси және экономикалық ахуалдарға мән бере отырып, тың шешімдер мен тапсырмалар берді. Елдегі экономиканы, бизнесті жүйелеуді, жер қойнауы мен су ресурстарын дұрыс пайдаланудың басқа да модельдерін құрастыруды тапсырды. Алдағы уақытта еліміз экономикасы қарқынды дамыған, коммуникацияланған мемлекетке айналатынына сеніміміз мол.
Келешек ұрпаққа инвестициялауды, мемлекеттік қызметтің жұмысын күшейтуді, кенжелеп тұрған тұстарын қайта жаңғырту мен жасақтауды қолға алып, озық технологиялармен тоғысып, еліміз өркениетті, жастарымыз жалынды болады деген сенімдемін.
Алдағы сайлауда баршаңызды белсенді болуға, ел ертеңі үшін атсалысуға шақырамын. Осы Жолдау халықтың көңілінен шықты деп айта аламын. Ендігі кезекте бізге ауызбіршілік маңызды. Бейбіт елімізді құруда баршаңызды бір болып, ел игілігі жолында жұмыс жасауға шақырамын. Жолдау болашағымыздың іргесін нықтауға міндеттейді. Ендеше, қуатты Әділетті Қазақстанды бірге құрайық.