Бүгін Алматыда көптен күткен Backstreet Boys-тің концерті өтеді. Әлемге әйгілі топтың әндерін тыңдауға қала тұрғындары мен шетелден келген қонақтар жиналды, - деп хабарлайды Аaqshamnews.kz тілшісі.
Солардың бірі – Лас-Вегастан арнайы ұшып келген Юлия Пелецкая. Ол билетті шілдеде сатып алған.
"Олардың энергиясы драйв береді. Концерт кезіндегі көрермендермен байланысы, сахнадағы энергетика зымыран секілді", – дейді ол.
Жанкүйердің айтуынша, сүйікті әні – Incomplete.
Юлия Алматыға алғаш рет келген. Оның айтуынша, қала әсерлі әрі ерекше:
"Алматы - өте сұлу, колорит қала", – дейді ол.
Backstreet Boys Алматыда өздерінің ең танымал хиттерін шырқап, тыңдармандарға ұмытылмас кеш сыйлады.
Айта кетейік, бұған дейін Backstreet Boys-тің концертіне баратындар не білуі керегін жазған едік.