Әлемдік поп-музыка тарихында өшпес із қалдырған америкалық Backstreet Boys тобы алғаш рет Алматыға келді. Әншілердің көптен күткен концерті қала тұрғындары мен қонақтарына ерекше әсер сыйламақ. Концерт қайда және қалай өтеді? Кіру тәртібі қалай болады? Толығырақ Аqshamnews.kz материалында.
Қайда және қашан?
Концерт 19 қыркүйекте Орталық стадионда өтеді.
Кіру уақыты мен тәртібі
- Стадион есігі сағат 15:00-де ашылады.
- Іс-шараға билеттерінде QR-коды барлар кіре алады. Бір билет бір адамға ғана жарамды.
- VIP Standing, Fan zone, Dance floor аймақтарына 16 жастан бастап қана кіруге рұқсат.
Орталық стадионға қалай жетуге болады?
- Алматы Аренаға қала орталығынан арнайы автобус маршруттары қарастырылған.
- Жеке көлікпен келушілерге автотұрақ қызметі ұсынылады, бірақ орын шектеулі.
Көрермендер металл іздегіш рамалар мен сканерлер арқылы кіргізіледі.
"Абай даңғылы уақытша жабылады, көлік кептелісінің алдын алу үшін арнайы "змейка" түріндегі турникеттер қойылады. Сонымен қатар алыпсатарлық пен заңсыз акцияларға қарсы күрес шаралары күшейтіледі, нақты алгоритм дайын", – деді әкімнің орынбасары Азамат Қалдыбеков.
Шара аяқталған соң көрермендерге арнайы шаттлдар қызмет көрсетеді. Бағыттар:
- Алматы Арена
- Алматы-1 теміржол вокзалы
- Райымбек / Алатау
- Орбита
- Халық Арена
- Қалқаман
Ауа райы мен стиль
Болжам бойынша, бүгін жаңбыр жаууы мүмкін. Ұйымдастырушылар қолшатырдың орнына су өткізбейтін арнайы киім алуды ұсынды.
Сонымен қатар, кештің дресс-коды 2000-жылдар стилінде болмақ.
Кеш барысында топтың I Want It That Way, Everybody (Backstreet’s Back), As Long As You Love Me, Show Me The Meaning of Being Lonely, Shape of My Heart сынды атақты хиттері және соңғы шыққан туындылары шырқалмақ