Отшашу гиннесс рекордтар кітабына енді.
Біріккен Араб Әмірліктеріндегі Рас-әл-Хаймада отшашу бойынша 2 бірдей рекорд орнады, деп хабарлайды аlmaty-akshamy.kz 24.kz-ке сілтеме жасап.
Әмірлікте жаңа жыл түні жағалауда ұйымдастырылған пиротехникалық шоу 4,5 шақырымды қамтыды. Бұл ең ұзақ қашықтық ретінде Гиннесс рекордтар кітабына енді.
Шоу 8 минутқа cозылды. Онда мыңнан аса жарық диодты дрондар мен суға арналған отшашу секілді инновациялар қолданылды. Шараны тамашалау үшін 50 мың адам жиналған. Бұл жергілікті туризмнің дамуына серпін беріп отыр. Өйткені қонақ үйлерде бос орын болмаған.
Айта кеткен жөн, Рас-әл-Хайма әмірлігі осымен бірнеше жыл қатарынан жаңа жылдық отшашу бойынша рекордтар орнатып, туристік әлеуетін арттырып келеді.
"2023 жыл Рас-әл-Хайма әмірлігінің туризмі үшін табысты жыл болды. Біз зор жетсітікке қол жеткіздік. Соның арқасында 2030 жылы 3 миллионнан аса саяхатшыны қабылдау мақсатымызға бір қадам жақындай түстік", - дейді Раки Филлипс, Рас-әл-Хайма әмірлігінің туризмді дамыту жөніндегі департаментінің басшысы.