Бұдан бұрын бұл келісімнің өтетіні жайлы бірнеше рет хабарлағанбыз.
Қазақстан тарапының ұсынысымен екі елдің сыртқы істер министрлері келіссөз өткізеді, деп хабарлайды Almaty-akshamy.kz
Қазақстанның сыртқы істер министрлігінің баспасөз қызметі мәлімдеуінше, Әзірбайжан мен Арменияның сыртқы істер министрлері Алматы қаласында 10 мамыр күні кездеседі.
«Бұған дейін қол жеткізілген уағдаластықтарға сәйкес Әзірбайжан мен Арменияның сыртқы саяси ведомстволарының басшылары арасындағы келіссөздер Алматыда 2024 жылғы 10 мамырда өтеді», - делінген хабарламада.
Айта кетері, Қазақстан тарапының ұсынысымен Әзірбайжан мен Арменияның сыртқы істер министрлері бейбітшілік шарты бойынша келіссөздерді жалғастырады. Бұған дейін президент Қасым-Жомарт Тоқаев маңызды шараның Алматыда ұйымдастырылуының символдық мәні бар екенін мәлімдеген еді.