Грозный әуежайы маңында апатқа ұшыраған Әзербайжан ұшағының борттық жазба құрылғыларынан (FDR және CVR) алынған мәліметтер апат алдындағы жағдайды ашып көрсетті. Бұл туралы Aqshamnews.kz сайты хабарлайды.
2024 жылғы оқиға кезінде ұшақ 05:13:30 уақытында 3500 фут биіктікте автопилот режимінде қалыпты жағдайда ұшып бара жатқан. Двигательдер мен гидравликалық жүйелерде ақау тіркелмеген, тек GPS 1 және GPS 2 жүйелері спутниктен сигнал қабылдай алмаған.
Алайда 05:13:31-де дыбыстық жазба құрылғысынан (CVR) күтпеген қатты соққы дыбысы тіркеліп, автопилот пен қозғалтқыш тарту автоматикасының ажырау дабылы қосылған. Үш секундтан кейін ұшақтың үшінші гидрожүйесінде қысым күрт төмендеп, сұйықтық деңгейі 0%-ға дейін түсіп кеткен.
Жазбада ұшқыш басқару тетіктерінің (элеватор, элерон, руль) бейтарап күйде қалғанын хабарлап, жағдай соңына дейін өзгермегенін көрсетеді. 05:13:36-да тангаж бойынша тримминг жүйесі істен шыққан. Осы сәтте командир дабыл панеліндегі "DOOR...SERVICE DOOR AFT OPEN" деген хабарламаны дауыстап оқыған.
05:13:39 уақытында кабинаның қысымын жоғалту процесі басталғаны тіркелді. Тергеу жалғасып жатыр, ал түпкілікті қорытынды қосымша сараптамалардан кейін жарияланады.