Алматы қаласының Қоғамдық кеңесінің төрағасы Алтынай Көбееваның айтуынша, Ұлттық Құрылтай еліміздің дамуының негізгі мәселелерін талқылау үшін орталық алаңға айналды. Оның пікірінше, Құрылтай жұмысының басты бағыттарының бірі әлеуметтік ақаулармен күрес болып табылады.
«Президент Қасым-Жомарт Тоқаев тұрмыстық зорлық-зомбылыққа жауапкершілікті күшейтетін бірқатар заңдарға қол қойды, құмар ойындар саласын реттейтін және есірткі қылмыстарына қарсы күресті күшейтетін шараларды қабылдады. Сонымен қатар, вандализмнен тарихи-мәдени және табиғи нысандарды қорғауға бағытталған нормалар да қабылданды», — деп атап өтті Алматы Қоғамдық кеңесінің төрағасы.
Отырыс барысында ішкі саясат тұжырымдамасы жобасына қатысты бастамалар да көтерілді.
«Президент мемлекеттік органдарға идеологиялық жұмыстың стратегиялық бағыттарын анықтайтын құжатты мұқият әзірлеуді тапсырды. Құрылтай мүшелері Зульфия Байсакова мен Бану Нұрғазиева мемлекеттік әлеуметтік тапсырыс критерийлерін қайта қарау және үкіметтік емес ұйымдар туралы заңнаманы жетілдіру қажеттілігін атап өтті.
Азаматтық сектордың реформаларды жүзеге асырудағы рөлі айқын. Мемлекет пен үкіметтік емес ұйымдардың серіктестігі өзекті мәселелерді шешуге, құрылымдық құндылықтарды нығайтуға және жаңа ұлттық идеологияны қалыптастыруға ықпал етеді», — деп қорытындылады Алтынай Көбеева.