2025 жылғы 15 қаңтардан бастап шетелдік рұқсат бланктерін беру механизмінің жаңа тәртібі күшіне енеді.
Осыған байланысты, Қазақстан Республикасы Көлік министрлігінің Автомобиль көлігі мен көліктік бақылаукомитетінің төраға орынбасары С. Қуанышұлының қатысуымен сала ассоциацияларымен жаңа механизмді түсіндіру бойынша кеңес өтті, деп хабарлайды aqshamnews.kz.
Кеңес барысында жұмыс тобының мүшелерінен шетелдік рұқсат бланктерін беру механизмін әрі қарай жаңарту және жетілдіру бойынша ұсыныстар түсті. Барлық ұсыныстар мұқият зерттеліп, қажет болған жағдайда белгіленген тәртіппен нормативтік-құқықтық актіге өзгерістер енгізу жөнінде тиісті жұмыс жүргізіледі.