Ұлттық экономика министрі Әлібек Қуантыровтың айтуынша, ел халқының 96% таза ауыз сумен қамтамасыз етілген.
Қазақстан ауылдарының 40 пайызында әлі күнге дейін орталық су құбыры жоқ, деп хабарлайды Almaty-akshamy.kz «Хабар 24» арнасына сілтеме жасап.
Министрдің мәлімдемесі қоғамда сұрақ тудырды, өйткені сумен қамтуға қатысты шағым саны күннен күнге артуда.
Министрдің айтуынша, барлық қазақстандықтар суды қандай да бір дәрежеде құдықтар арқылы алып, өз ұңғымаларын жасайды.
«Сумен қамту... Егер жергілікті кен орны болса, онда жақсы. Егер жоқ болса, онда адамдар ол жерден кетуге мәжбүр болады. Бізде жыл сайын бірнеше ауылдар осылай босап жатыр», – деп атап өтті Ұлттық экономика министрлігінің Аймақтық даму департаментінің директоры Дәурен Жамбайбек.
Оның айтуынша, елдегі барлық елді мекенге су тарту мүмкін емес және оның қажеті де жоқ.
Маман инфрақұрылымды жүргізуден гөрі, адамдарды ірі ауылдарға көшіру тиімдірек болатынын айтты.