Үкімет «Ауылда денсаулық сақтауды жаңғырту» жобасы аясында Қазақстан ауылдарындағы медициналық мекемелерді салу және жөндеу үшін резервтен 39,9 млрд теңге бөлді, деп хабарлайды аlmaty-akshamy.kz премьер-министрдің баспасөз қызметіне сілтеме жасап.
Ұлттық жоба 655 алғашқы медициналық-санитарлық көмек нысандарын салуды және орталық аудандық ауруханаларды жаңғыртуды көздейді. Құжаттама дайын болған ауылдық елді мекендерде 297 алғашқы медициналық көмек нысанын салуға 40 млрд теңге жұмсалады. Оларға медициналық пункттер, фельдшерлік-акушерлік пункттер және дәрігерлік амбулаториялар жатады.
Сонымен қатар бөлінген қаражаттың бір бөлігі мына ауруханаларды жөндеуге жұмсалады:
Арқалық өңірлік ауруханасы перзентханасының ғимаратындағы күрделі жөндеу жұмыстарын аяқтауға;
Степногорск көпсалалы қалалық ауруханасының екі блогын күрделі жөндеуге;
Атбасар көпсалалы ауданаралық ауруханасының бас ғимаратын күрделі жөндеуге;
Балқаш қаласының Орталық ауруханасын күрделі жөндеу жұмыстарын бастауға;
Балқаш қаласының Көпсалалы ауруханасының ангиографиялық ота жасайтын бас корпусына қосымша ғимарат салуға және ангиографиялық қондырғыны орналастыруға;
Шиелі көпсалалы орталық аудандық ауруханасының ғимаратына қосымша блокты жапсарлас сала отырып, күрделі жөндеуге және сол жерде 30 төсек-орынға арналған жұқпалы аурулар бөлімшесінің құрылысына аударылады.