Соңғы жылдары авиациялық қауіпсіздікке қатысты талаптар күшейіп келеді.
Әуежайда немесе ұшақ бортында қауіпсіздікке байланысты кез келген орынсыз сөз – әзіл түрінде болса да – қатер көзі ретінде қабылданады, деп хабарлайды aqshamnews.kz.
Мысалы, «жарылғыш зат бар», «бомба салып қойдым», «қару алып келдім» деген секілді тіркестер — ескерту ретінде қабылданып, дереу төтенше әрекет ету шараларын талап етеді. Бұл рейстің кешігуіне, жолаушылар мен жүкке толық тексеріс жүргізуге, тіпті ұшулардың уақытша тоқтауына әкеп соғуы мүмкін.
Мұндай «әзілдер» заң алдында жауапқа тартуға себеп болады. Қазақстан Республикасының қолданыстағы заңнамасына сәйкес, жалған терроризм туралы хабарлама немесе қоғамдық қауіпсіздікке қауіп төндіру — қылмыстық жауапкершілікке әкеп соғады.
Қауіпсіздік сақтау үшін есте сақтаңыз:
• Әуежайда және ұшақта қауіп, жарылғыш заттар, қару-жарақ туралы сөздерді мүлдем қолданбаңыз
• Балаларыңыз бен жасөспірімдерге мұндай «әзілдердің» салдарын түсіндіріңіз
• Күмәнді жағдай байқасаңыз, дереу тиісті қызметке хабарлаңыз
Сіздің сөздеріңіз — басқа адамдардың қауіпсіздігіне тікелей әсер етеді.
Қоғамдық орында жауапкершілікпен әрекет етіңіз.