FlyArystan және AirAstana әуе компаниялары жолаушыларға ауа райының қолайсыздығына байланысты бірқатар рейстің тоқтатылатыны туралы хабарлама жасады, - деп хабарлайды
FlyArystan ауа райының қолайсыздығына және Орал әуежайының ұшу-қону жолағындағы үйкеліс коэффициентінің нашарлауына байланысты мына рейстерді тоқтатады.Almaty-akshamy.kz.
- KC7365 Астана - Орал;
- КС7366 Орал - Астана;
- KC7165 Алматы - Орал;
- КС7166 Орал - Алматы.
"Тоқтатылған рейстердің жолаушыларына сұраныс бойынша келесі қызметтер көрсетіледі: сусындар, тамақтану, тұру, трансфер. Барлық жолаушыға тегін қайта брондау мүмкін немесе ақшасы толық қайтарылады", - делінген хабарламада.
Жолаушыларға FlyArystan қолданбасында және flyarystan.com сайтында тікелей чат арқылы, 8 702 702 02 27 WhatsApp мессенджері және 8 727 331-10-10 байланыс орталығы арқылы қолдау көрсетіледі.
23 қарашада "Эйр Астана" Орал - Франкфурт - Орал және Орал - Астана бағыттары бойынша рейстерді, сондай-ақ Алматыдан Оралға және кері рейстерді тоқтатты.
Оған да ауа райының қолайсыздығы мен әуежайдың ұшу-қону жолағындағы үйкеліс коэффициентінің нашарлауы себеп болды.
"Тоқтатылған рейстердің жолаушыларына тамақ, тегін қайта брондау немесе билетті қайтару қамтамасыз етілді. Оралдан Астанаға ұшатындар жатын орынмен, тамақпен және трансфермен қамтамасыз етілді", - деп хабарлады әуе компаниясы.