Атырауда аудан әкімінің жұбайы күйеуінен зәбір көргендігі туралы мәлімдеме таратқан болатын. Аталмыш оқиғаға қатысты облыс әкімшілігі хабарлама таратқан болатын. Бүгін оқиғаға қатысты аудан әкімі Ринат Ибрагим әлеуметтік желі арқылы мәлімдеме таратты, деп хабарлайды аlmaty-akshamy.kz.
Құрметті әлеуметтік желі қолданушылары!
Бүгінгі әлеуметтік желіде бұрынғы жұбайымның видеоүндеуіне қатысты төмендегідей түсінік беріп өткім келеді.
Бұрынғы жұбайымның менің атыма таққан негізсіз айыптауларымен жалған ақпараттары БАҚ-та кеңінен тарап кетті.
Жеке өмірім туралы пікір айтудың қажеті жоқ деп санаймын.
Бұрынғы жұбайым әртүрлі әлеуметтік желілерде тараған соңғы оқиғаларға байланысты, менің лауазымды тұлға екенімді біле тұра, осындай мәлімдемелер жасап жатқан сияқты.
Біздің ортақ балаларымыз 2 қызым менімен бірге тұрады. Олар махаббат пен сүйіспеншілікте өмір сүруде.
Мұндай шешім 2 қызымның қалауы бойынша қабылданып, бұдан басқа бұл туралы соттың заңды шешімі де шыққандығын хабарлаймын.
Шабуыл жасады деген айыптауларға келсек, қазір сот процесі жүріп жатқандығын және де БАҚ өкілдерінен асығыс қорытынды жасамауларын сұраймын, деп жазды хабарламада.