Аудан әкімдері Алматының көп балалы аналарымен кездеседі

Аудан әкімдері ағымдағы жылдың қазан айында көп балалы аналармен кездеседі.

Аудан әкімдерінің қаланың көп балалы аналарымен 2022 жылдың қыркүйегіне арналған қала басшысы бекіткен кездесулер кестесіне сәйкес аудан әкімдерімен 8 кездесу өткізілді, деп хабарлайды Almaty-akshamy.kz.

Кездесулерге барлығы 117 көпбалалы ана келді және 110 сұрақ қойылды. Олардың 65-іне түсініктемелер берілді, кездесулерден соң 16 сұрақ пысықталды, 29-ы бойынша жұмыстар жүруде.

Көпбалалы аналардың негізгі мәселелері:

• тұрғын үй алу (кезекке қою) – 28 (25%);


• білім (балаларды мектепке және балабақшаға орналастыру, мектеп формасы, "Art.sport») – 24 (22%);


• әлеуметтік жәрдемақылар (АӘК, азық-түлік жиынтықтары) - 15 (14%);


• ТКШ және абаттандыру (газ қосу, сумен жабдықтау және су бұру) - 6 (5%);


• жұмысқа орналастыру және бизнеске арналған гранттар – 6 (5%);


• жер учаскесін заңдастыру және анықтау – 2 (2%);


• есепке тіркеу (тіркеу) – 1 (1 %);


• Алимент – 2 (2%);


• басқа мәселелер – 26 (24%).

Қала әкімі 2022 жылдың қазан айына аудан әкімдерінің көп балалы аналармен кездесуінің тиісті кестесін бекітті.

Еске салсақ, бұған дейін аудан тұрғындарымен кездесу барысында көптеген өтініштерге байланысты Алматы қаласының әкімі Ерболат Досаев аудан әкімдерінің көпбалалы аналармен ай сайынғы кездесулерін ұйымдастыруды тапсырған болатын.

Аудан әкімдерінің 2022 жылдың қазанында қаланың көп балалы аналарымен кездесулерінің кестесі