Бүгін, 24 ақпанда Астанада ауа температурасының күрт төмендеуіне байланысты бірінші ауысымда оқитын 0–9 сынып оқушылары қашықтан оқытуға ауыстырылды, – деп хабарлайды aqshamnews.kz тілшісі білім басқармасына сілтеме жасап.
Басқарма мәліметінше, шешім оқушылардың қауіпсіздігін қамтамасыз ету мақсатында қабылданған. Осылайша, бірінші ауысымдағы 0–9 сынып оқушылары сабақтарын онлайн форматта жалғастырады.
Синоптиктердің болжамынша, 24–26 ақпан күндері Қазақстанның басым бөлігінде ауа райы күрт суытады. «Қазгидромет» дерегіне сәйкес, бірқатар өңірде аяз күшейіп, жел екпіні артуы мүмкін.
Осыған байланысты ата-аналар мен оқушыларға ауа райы болжамын бақылап, сақтық шараларын қатаң сақтау ұсынылады.