Қазгидромет синоптиктері Астана мен Алматыда алдағы 19–21 ақпан күндеріне арналған ауа райы болжамын жариялады, – деп хабарлайды aqshamnews.kz тілшісі.
Мамандардың мәліметінше, Астанада алдағы күндері қар жауып, жел күшейеді. 19 ақпанда түнде және таңертең қар жауып, бұрқасын болады, жолдарда көктайғақ күтіледі. Ауа температурасы түнде -14 градусқа, күндіз -12 градусқа дейін төмендейді. 20 ақпанда жауын-шашынсыз болғанымен, түнгі ауа температурасы -22 градусқа дейін суытады. 21 ақпанда қар қайта жауып, жел екпіні 20 м/с-қа дейін жетуі мүмкін.
Ал Алматыда алдағы күндері ауа райы салыстырмалы түрде жылы болады. 19 және 20 ақпанда жауын-шашын күтілмейді, күндіз ауа температурасы +17 градусқа дейін көтеріледі. Алайда 21 ақпанда жаңбыр жауып, ауа температурасы күндіз +9 градусқа дейін төмендейді.
Синоптиктердің айтуынша, суық ауа массаларының әсерінен еліміздің бірқатар өңірінде қар, көктайғақ және желдің күшеюі байқалады.