Атырауда жалған вакцина паспортын дайындаған емхана қызметкері ұсталды, деп хабарлайды almaty-akshamy.kz Polisia.kz сілтеме жасап.
31 шілде күні жедел іздестіру іс-шаралары барысында Атырау облысы полиция департаментінің қызметкерлері Атырау облыстық әкімдігі мен прокуратурасымен бірлесіп Egov.kz ақпарат жүйесіне “Covid-19” вакцинасын алу туралы ақпаратты нақты егілмеген адамдарға ақшалай сыйақы үшін енгізумен айналысқан 1981 ж.т. медициналық қызметкерді анықтап, ұстады.
Кінәсін мойындаған күдікті жалған ақпарат енгізу үшін 10 мың теңге алғанын айтқан. Аталған факт бойынша ҚР Қылмыстық кодексінің 206-бабы 1-бөлігі бойынша сотқа дейінгі тергеу амалдары жүргізілуде.
Өзге ақпарат, ҚР Қылмыстық-процестік кодексінің 201-бабына сәйкес, жариялануға жатпайды.