Ұлттық ядролық орталықтың директорының орынбасары Ерболат Қоянбаев атом электр станциясы мен жылу электр станцияларының қоршаған ортаға әсерін салыстыра отырып, атом электр станциясының жылына 1 гигаватт электр энергиясын өндіру арқылы 5,9 миллион тонна көмірді, 2,2 миллион тонна мазутты немесе 26 мың текше метр газды үнемдеуге мүмкіндік беретінін атап өтті.
"Көмірді тазалау жүйелерімен жабдықталған жылу электр станциясы жылына 7-120 мың тонна күкірт оксидтерін, 2-20 мың тонна азот оксидтерін, сондай-ақ 700-1500 тонна күлді (тазалау жүйесі болмаса екі-үш есе көп) және 3-7 миллион тонна көмірқышқыл газын шығарады. Бұдан бөлек, құрамында кадмий, қорғасын және сынап сияқты улы металдары бар шамамен 400 мың тонна зиянды қалдықтар түзіледі. Осылайша, АЭС-пен бірдей қуатқа ие жылу электр станциясы атмосфераға әлдеқайда көп қалдық шығарады", — деп атап өтті Ерболат Қоянбаев.