Нұрғали Әлімбаев, Үлкен ауылының тұрғыны:
Менің ойымша, атом электр станциясы біздің аймаққа өте қажет. Халық бірнеше жылдан бері "салынады" деп күтіп жүр, бірақ нақты қадамдар жасалмады. Ауыл тұрғындары АЭС-тің пайдасын көптен бері сезінуді күтіп жүр, әсіресе жұмыссыздық мәселесі шешілсе, көптеген жастарға мүмкіндік ашылады.
АЭС құрылысы арқылы тек жұмыс орындары ғана емес, сонымен қатар ауылдың инфрақұрылымы да дамиды деп сенеміз. Жолдар жөнделіп, қызмет көрсету салалары кеңейіп, халықтың өмір сүру деңгейі арта түседі. Ауылымыздағы кәсіпкерлер мен шаруаларға да үлкен серпіліс береді деп ойлаймын.
Электр энергиясының тапшылығы жылдан жылға артып келеді, және бұл тек біздің аймаққа ғана емес, бүкіл елге үлкен проблема болып тұр. АЭС салу еліміздің энергетикалық тәуелсіздігін нығайтуға, сырттан келетін энергияға тәуелділікті азайтуға мүмкіндік береді. Оның үстіне, атом энергиясы – болашақтың энергиясы. Одан қорқудың қажеті жоқ, керісінше, заманауи технологиялардың арқасында қауіпсіздік жоғары деңгейде қамтамасыз етіледі.
Үлкен ауылының тұрғындары Балқаш көлінің жағалауынан АЭС салу туралы бастаманы қызу қолдап отыр. Бұл біздің аймақ үшін үлкен мүмкіндік деп білеміз.