АЭС салуды қолдау жөніндегі Халықтық штабтың Қазақстан Халық партиясының Жастар қанаты Мәжіліс депутаты Ислам Сұңқармен кездесуінде АЭС құрылысының маңызы мен атом энергетикасының артықшылықтары талқыланды.
Кездесуге ЖОО студенттері мен ҚХП Жастар қанатының өкілдері қатысты. Мәжіліс депутаты еліміздегі электр энергиясының тапшылығын айтып, АЭС-тің қажеттілігін түсіндірді. 2023 жылы Қазақстан Ресейден электр энергиясын екі есе қымбат бағамен импорттағанын атап өтті. Бұл, әсіресе, тұтынушылар мен бизнеске зиянын тигізгенін айтты.
Кездесу барысында атом энергетикасының экологиялық тиімділігі мен әлемдік тәжірибесі талқыланып, АЭС салу еліміздің энергетикалық тәуелсіздігін нығайтып, жаңа жұмыс орындарын ашатыны айтылды. Жастар тарапынан қойылған сұрақтар негізінде киберқауіпсіздік, кадр даярлау және АЭС-тің қорғалуы туралы мәселелер қозғалды. Ислам Сұңқар АЭС құрылысы халықаралық бақылауда болатынын және Қазақстанда білікті мамандардың жеткілікті екенін атап өтті. Жастар референдумға белсенді қатысып, өз таңдауын жасаудың маңыздылығын айтты.