Мәжіліс депутаты, «AMANAT» партиясы фракциясы жетекшісінің орынбасары Павел Казанцев Көкшетаудағы «Новопэк» ЖШС полимерден жұмсақ қаптама өндіру зауытының ұжымымен кездесуде атом энергетикасының маңыздылығы туралы пікірін білдірді.
Павел Казанцев: - Біз тағдыршешті сұрақтар шешілетін дәуірде өмір сүріп жатырмыз. Атом энергетикасы мәселесі — солардың бірі. Қазіргі уақытта еліміздің оңтүстік аймақтарында электр энергиясының тапшылығы пайда болды. Оңтүстікте гидроэнергетиканы қамтамасыз ететін қуатты өзендер де, көмір кен орындары да жоқ. Бұл жағдай АЭС құрылысын жалғыз дұрыс шешімге айналдырады.
Күн және жел энергиясы бүгінде қолданыста, бірақ олардың тұрақтылығы төмен — бүгін күн ашық болса, ертең бұлт торлауы мүмкін. Ал атом энергетикасы, басқа энергия көздерінен айырмашылығы, ұзақ жылдарға тұрақты және қуатты энергиямен қамтамасыз ете алады. Бұл шешім — тек қажетті ғана емес, болашақта миллиондаған адамдардың жарқын өмірін қамтамасыз етеміз десек, сөзсіз қабылдануы тиіс шешім.
Атом энергетикасы — еліміздің энергетикалық қауіпсіздігін қамтамасыз етудегі стратегиялық қадам. Оны іске асыру — тұрақты және қуатты энергия көзіне қол жеткізудің ең тиімді жолы.