- Таңмен таласа сайлауға жөнелдік. Біз, үлкен кісілер, мемлекетіміздің қадірін арттыруға ықпалдасамыз. Маған №64 сайлау учаскесі белгіленіпті. Сондықтан біз де көпшілікпен бірге өз таңдауымызды жасадық.
Дауыс беру - жәй әншейін науқан емес. Біз таңдаған депутат халықтың атынан сөйлейді. Ұлттық мүддеге қызмет етуі тиіс. Мемлекет мүддесінен бір қадам артық аттауына болмайды. Ел сенген депутат сайлауалды берген уәдесін орындайтынына сенеміз. Сол үшін өзіміз иланған үміткерді таңдадық.
Президенттің бастамаларын бәріміз қолдайық. Соның бірі осы жолғы сайлау еді. Әсіресе, жастар ел сенімін ақтауы тиіс, қарақтарым. Депутаттың сөзі өтімді, ісі нық болуы керек. Әрбір сайлаушы, қарапайым адам, шенеунік қоғамның жақсаруын ойласа, әлбетте, ілгері басамыз.