Алматы музыкалық колледжінде орналасқан №64 сайлау учаскесінде таңертеңнен бастап азаматтардың референдумға қатысуға белсенділігі байқалды. Алғаш болып дауыс берген қоғам қайраткері Асылы Осман болды. Оған осыған орай дәстүрлі пиала мен ұлттық орамал сыйға тартылды, деп хабарлайды aqshamnews.kz.
– Бүгін біз маңызды таңдаудың алдында тұрмыз, ол біздің болашағымызды айқындайды. Мен әрбір қазақстандықты осы процеске саналы түрде қарауға шақырамын. Барлық азаматтарымыз референдумға белсенді қатысып, еліміздің өркендеуі үшін өз таңдауын жасайды деп үміттенемін, – деп Асылы Осман өз ойымен бөлісті.
Сонымен қатар, Асылы Осман АЭС құрылысы мәселесінде халықтың бірлігі мен белсенділігі маңызды екенін, бұл қадам еліміздің энергия тәуелсіздігін қамтамасыз етіп, экономикалық тұрақтылыққа жол ашатынын атап өтті. Әрбір дауыс еліміздің болашағын қалыптастыруға өз үлесін қосады.