Макс Планк атындағы Ядролық физика институтының (Германия) ғалымдары микроквазарлардың әлсіз ағынынан жаңа бір сәуленің көзін тапты. Олардың еңбегі Astrophysical Journal Letters-ке шықты, деп хабарлайды aqshamnews.kz
Микроквазар дегеніміз екілік жұлдыздар жүйесі, олар шағын қарақұрдымнан немесе нейтрон жұлдыздан және кәдімгі жұлдыздан тұрады. Қайсысының тартылысы күшті болса, екіншісі соның айналасында қозғалады.
Жалпы алғанда ғарыш сәулелері немесе бөлшектері біздің планетамызға әрдайым саулап құйылып жатады. Жұлдызаралық кеңістіктен келетін электрондар мен протондар секілді субатом бөлшектер Ғаламда «ғарыш сәулелері» деп аталады. Ол сәулелер қайдан шықты, Жерге қалай жетеді – бұның бәрі астрофизиктерге жұмбақ. Ғалам толы құпия ғой, расында.