Астанада Достық көшесіндегі ғимарат іргесіне екі шетелдік дәрет сындырған. Олар енді Қазақстанға 5 жыл кіре алмайды. Бұл жөнінде Астана қаласының полиция департаменті мәлімдеді, – деп хабарлайды aqshamnews.kz тілшісі.
Ведомство мәліметінше, қоғамдық орында тәртіп бұзған 35 және 49 жастағы шетелдіктер екені анықталды. Олар ел аумағынан шығып үлгерген.
Алайда полиция бұл шетелдіктер ҚР аумағына 5 жыл кіргізбеу жөнінде шешім қабылдады.
Ішкі істер министрлігі бұл дерекке қатысты барлық ақпаратты Сыртқы істер министрлігіне жолдаған. Енді жауапты министрлік тиісті шараларды қабылдамақ.
Астана қаласының ПД қоғамдық тәртіпті сақтау баршаға міндет екенін атап өтті. Хабарламада жазылғандай, бұл талап Қазақстан азаматтарына да, елімізде жүрген шетелдіктерге де қатысты.