Астана қаласының әкімі Жеңіс Қасымбек көпқабатты үйдің тұрғындарымен кездесті.
«Rixos Khan Shatyr Residences тұрғын үй кешенінің тұрғындарымен кездестім. Өрт салдарын жою бойынша жұмыс комиссиясын құрамыз. Енді сарапшылар техникалық қорытынды бергеннен кейін қасбетті қалпына келтіруге және зардап шеккен пәтерлерді жөндеуге кірісеміз», — деп жазды Жеңіс Қасымбек Facebok парақшасында.
Одан бөлек, елорда әкімі өрттің себебін қаланың төтенше жағдайлар департаменті анықтайтынын мәлім етті.
Айта кетсек, кеше Астанада көпқабатты тұрғын үйдің 26-қабатынан өрт шықты.
Өртенген үйден 8 адам көшіріліп, арнайы штаб құрылды.