23 қаңтарда ауа райының нашарлауына байланысты Астанада нөлінші сыныптан бастап 11 (12) сыныпқа дейінгі оқушылар, сондай-ақ 9-сынып негізінде оқитын колледждердің 1-2 курс студенттері бірінші ауысымда қашықтан оқуға ауысады. Бұл туралы Астана қаласының білім басқармасы мәлімдеді.
Алдағы үш тәулікте ел бойынша ауа температурасының одан әрі төмендеуі күтілуде. Аяздан сақтану және қауіпсіздікті қамтамасыз ету мақсатында білім беру мекемелері уақытша онлайн форматта жұмыс істейтін болады.
Мұндай шара оқушылардың денсаулығы мен қауіпсіздігін сақтау үшін қабылданып отыр. Ата-аналарға ауа райына байланысты ақпаратты бақылап, балалардың қажеттіліктерін қамтамасыз ету ұсынылады.