Астанада полицейлер түнде тракторды айдап кетіп, оны қаланың орталық көшелерінің бірінде қалдырған ер адамды ұстады, - деп хабарлайды Аqshamnews.kz тілшісі ҚР ІІМ-ге сілтеме жасап.
Ведомство мәліметінше, техниканың иесі оқиға жайлы дереу полицияға хабар берген. Жедел-іздестіру шаралары нәтижесінде күдікті қысқа уақытта анықталып, ұсталды.
Алдын ала дерек бойынша, трактор иесіне келтірілген материалдық шығын шамамен 500 мың теңгені құрайды. Аталған факті бойынша ер адамға қатысты сотқа дейінгі тергеу басталды.