Ұлы Жеңістің маңыздылығы мен ардагерлердің батырлығын ескерсек, мұндай қолдау олардың өмірлік еңбегін лайықты бағалау болар еді, деп хабарлайды aqshamnews.kz.
Биылғы жылы Жеңістің 80 жылдығы атап өтілетіндіктен, бұл ерекше датаға ардагерлерге ерекше құрмет көрсетілуі тиіс.
Биыл ардагерлерге берілетін төлем көлемі 2,5 есе өсіп, 5 миллион теңгені құрады.
Негізгі санаттар мен төлемдер:
1. Ұлы Отан соғысының ардагерлері – 5 миллион теңге.
2. Ардагерлерге теңестірілген азаматтар – 45 АЕК (176 940 теңге). Бұған жататындар:
Ұлы Отан соғысы кезінде әскери қызметте болғандар;
Фашистік Германияға қарсы соғысқа қатысқандар;
Ленинград қоршауы кезінде жұмыс істегендер;
Концлагерь тұтқыны болған кәмелетке толмағандар;
Соғыс салдарынан жарақат алып, мүгедектік алған әскери қызметкерлер;
Радиоактивті апаттардан зардап шеккендер және олардың радиациядан мүгедектік алған балалары.
3. Басқа мемлекеттердегі әскери іс-қимылдардың ардагерлері – 45 АЕК (176 940 теңге). Бұған Тәжік-Ауған шекарасындағы, Ирактағы бейбітшілік операцияларына және Таулы Қарабахтағы этникааралық қақтығыстарды реттеуге қатысқан әскери қызметкерлер кіреді.
4. Тыл еңбеккерлері, қаза тапқан әскери қызметшілердің отбасылары, Ұлы Отан соғысы мүгедектерінің жұбайлары – 15 АЕК (58 980 теңге).