Қазіргі уақытта Астана - Щучинск тасжолында үлкен жол апаты орын алды. shchuchinsk_life әлеуметтік желісінде жарияланған видеоде ондаған көліктің апатқа ұшырағаны көрінеді. Апаттың нақты себептері мен салдарлары туралы ресми ақпарат әзірге жарияланған жоқ.
«ҚазАвтоЖол» ұлттық компаниясы бүгін таңертең өзінің ресми хабарламасында осы жолда ауа райының нашарлауына байланысты қозғалыстың шектелгенін мәлімдеді. Бұл өңірде қалың қар жауып, жолды мұз басқан. Тұман түсіп, жол көрінбей қалған. Осыған байланысты қазіргі таңда бұл тасжолда барлық көлік түрлері үшін қозғалысқа шектеулер енгізілген.