Конференциялар Лигасының «Астана» мен «Челси» арасындағы матчы Алматыдағы «Орталық» стадионда өтетін болды, деп хабарлайды aqshamnews.kz
Бұл туралы Қазақстанның Туризм және спорт вице-министрі Серік Жарасбаев sport12.kz басылымына берген сұхбатында мәлімдеді.
«Астана» негізгі кезеңнің соңғы үйдегі матчында Лондонның «Челси» клубымен 2024 жылғы 12 желтоқсанда кездеседі.
Бұған дейін клубтың баспасөз қызметі «Астана Арена» стадионында қайта жөндеу жұмыстарының жүруіне байланысты команда осы маусымда өз алаңындағы матчтарын басқа стадионда өткізіп жатқанын хабарлаған болатын. Астана Арена 30 мың көрерменді сыйдыра алатын, жылжымалы шатыры мен жылыту жүйесі бар ерекше стадион болып саналады.