«Астана – Бурабай шипажайы» бағыты бойынша электр пойызы сейсенбі мен сәрсенбі күндерден басқа күндері қатынайды, деп хабарлайды aqshamnews.kz «Жолаушылар тасымалы» АҚ баспасөз қызметіне сілтеме жасап.
Электропойыздың жүріс уақыты 2 сағат 26 минут болады. Баспасөз қызметі мәлімдегендей, бағытта аралық аялдамалар болмайды.
«Электропойыз 574 жолаушыны қабылдай алады. Жаңа электр пойызының ыңғайлы орындықтары Comfort Plus класының еуропалық стандарттарына сәйкес жасалған. Сонымен қатар, электр пойызы микроклимат жүйесімен, жылдам зарядтауға арналған USB ұяшықтарымен, ойын-сауық контентіне қол жеткізуге арналған Wi-Fi және велосипедтерді орналастыру үшін арнайы бекіту орындарымен жабдықталған», — делінген хабарламада.