Академик Асқар Жұмаділдаев ғылымға бөлінетін қаржының тиімділігіне назар аударып, оның бөлінісін қайта қарау қажеттігін ұсынды. Оның айтуынша, ғылымға бөлінген қаражаттың 30%-ы Ғылым академиясына, 70%-ы Ғылым және жоғары білім министрлігіне қалуы тиіс.
"Министрлік бірыңғай әдіспен гранттарды таратсын. Алайда гранттарды бөлуде мемлекеттің мүддесі ескерілуі керек. Академия осы мүддені қадағалауға міндетті. Біз жылына 2 500 ұсақ грант бөлгенше, 3-4 ірі грант беріп, оларды ауқымды ғылыми мәселелерді шешуге бағыттауымыз керек. Бізде оған қажетті білім де, ғалымдар да бар," – деді ол.
Осылайша, Асқар Жұмаділдаев ғылыми қаржыландыру жүйесін жаңғыртып, оның тиімділігін арттыру үшін Парламенттің шешім қабылдау құқығын қарастыруды ұсынды.