Әкім орынбасары өз ұсыныстарын айтты.
Алматы әкімінің орынбасары Асқар Әмрин қоғамдық көліктің жұмысын қалай арттыруға болатынын айтты, деп хабарлайды Almaty-akshamy.kz.
Өз ұсыныстарын Асқар Әмрин Алматының қаласының 2023-2025 жылдарға арналған бюджет жобасын қарау барысында айтты.
Оның айтуынша, қалалық жер үстіндегі қоғамдық көліктің үздіксіз жұмыс істеуін қамтамасыз ету мақсатында мемлекеттік-жекешелік әріптестік шартының қолданылу мерзімін 2023 жылдан 2027 жылға дейін қосымша 5 жылға ұзарту және мемлекеттік міндеттемелерді 2,8 млрд. теңгеге ұлғайту ұсынылады.
«Осыған байланысты «Қоғамдық көлікті диспетчерлеу» жобасы бойынша мемлекеттік міндеттемелерді қабылдау туралы» Алматы қаласы мәслихатының шешіміне өзгеріс енгізу туралы» мәслихат шешімінің жобасын қолдауды сұраймыз», - деді Асқар Әмрин.