Әскерге шақырту SMS арқылы жіберіліп жатыр, - деп хабарлайды Aqshamnews.kz.
Қазақстанда 17-63 жас аралығындағы азаматтарға қатысты мәліметтер Қорғаныс министрлігінің ақпараттық жүйесінде жинақталған. Былтырдан бастап іске қосылған «Smart военкомат» жобасы азаматтардың тұрғылықты мекенжайы өзгерген жағдайда жаңа әскери бөлімге автоматты тіркелуге және медициналық тексерісті цифрландыруға мүмкіндік береді.
Қорғаныс министрлігі осы мақсатта SMS хабарламаларды «Электронды үкімет» веб-порталы – 1414 қызметі және пайдаланушының «жеке кабинеті» арқылы жібере алады, – деп жазылған құжатта.
Жүйе пилоттық режимде Астана, Шымкент қалалары мен Қарағанды облысының Абай қаласында іске қосылған.
Сондай-ақ қазақстандықтар әскери қызметке шақыруды бір рет қана кейінге қалдыра алады.