Мәжіліс депутаты Нартай Сәрсенғалиев ішкі істер министрі Ержан Сәденов кейінгі кездегі елдегі әскери ахуалға байланысты сұрақ қойды, - деп хабарлайды aqshamnews.kz тілшісі.
"Былтыр кейінгі үш жылда 270 сарбаз қаза тапқанын былтыр айттым. Биылғы қыркүйектің өзінде Алматыда әскерге барғанына бір апта болған азамат қаза тапты. Одан кейін тағы бір азамат оқу-жаттығу жиындарында оққа ұшты. Тағы бір азамат жұмбақ жағдайда қаза тапты. Әлеуметтік желіден көрдік, азамматың мәйітін үйіне апарғанда анасы әскери қызметкерлердің жағасынан алып жатыр", - деді ол.
Нартай Аралбайұлы "Құқықбұзушылық профилактикасы туралы" жаңа заң жобасы бұл мәселені қалай шешетінін сұрады.
"Ешқандай жаңалық жоқ. Әуелден бар нәрсе. Бұл әскердегі заңсыздықтарды жоймайтынына жылдар бойы көзіміз жетті. Әскердегі заңсыздықтарды, Уставқа қарсы әрекеттерді жоятын,бұл мәселені шешудің тетігі қарастырылды ма? Әлде 17-баптағы стандартты күймен шектелеміз бе?" - деп сұрады депутат.
Ержан Сәденов депутаттың сауалына жауап берді:
"Толыққанды бәрін шештік, осымен шектелеміз деп айтпаймын. Бірінші отырыс қой. Ұсыныстар болса, қарайық. Жалпы Қорғаныс министрлігімен қарадық".