Бұл жобада шаһардағы негізгі түйткілдер мен ауқымды мәселелердің шешімі көрсетілген
Қалалық мәслихат депутаты Әсия Ақанова бүгінде медициналық мекемелердің қолжетімділігі, қызмет алу сапасы өзекті екенін айтты, деп хабарлайды Аlmaty-akshamy.kz.
Аталмыш түйткілдерді шешу үшін 15-ке жуық денсаулық сақтау нысанын салу, жас мамандарды халықаралық деңгейде оқыту, көпбейінді стационарлардың санын арттыру көзделіпті. Мегаполистің дамуын қамтамасыз ететін құжатқа жергілікті халық та қатысып, түзетулер мен ұсыныстар енгізе алады.
«Мен қала халқын белсенділік танытуға шақырамын. Өйткені тұрғындардың бұған дейін өздері көтеріп жүрген мәселелері шешімін табады. Қазір бәріміздің бірлесіп қаламызды жаңғыртуға, өмір сүру сапасын арттыруға және жайлы орта қалыптастыруға мүмкіндігіміз бар», – деді қалалық мәслихат депутаты Әсия Ақанова.