Сот талқылауы 2023 жылғы 17 сәуір күні сағат 10:00-ге белгіленген
Арыстанбек Мұхамедиұлы мен өзге де тұлғаларға қатысты іс Астана қаласының Байқоңыр аудандық сотына түсті, деп хабарлайды Almaty-akshamy.kz.
«Байқоңыр аудандық №2 соты бюджет қаражатын талан-таражға салу айыбы тағылған А. Мұхамедиұлы, А. Нұразхан, А. Көшенов және А. Садуақасованы айыптау бойынша қылмыстық істі өндіріске алды. Аталған қылмыстық іс бойынша басты сот талқылауы ашық сот отырысында 2023 жылғы 17 сәуір күні сағат 10:00-ге белгіленген», - делінген Астана қалалық сотының баспасөз қызметі таратқан ақпаратта.
Естеріңізге сала кетейік, 2022 жылдың 28 мамырында сот санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалды.