«АрселорМиттал Теміртау» компаниясына 16,5 млн теңге айыппұл салынды, деп хабарлайды almaty-akshamy.kz
Кәсіпорынның 7 шахтасы мен орталық кен байыту фабрикасы мерзімі өткен қауіпсіздік құралдарын пайдаланып келген.
Арнайы тексеру кезінде 89 құрылғының жарамсыз екені анықталды. Мамандардың айтуынша, мұндай құралдар қызметкерлердің өмірі мен денсаулығына тікелей әсер етеді. Себебі жерасты таскөмір қазу кезінде арнайы өлшеу құралдарының көмегімен қауіптің алдын алуға болады.
Егер ол дұрыс істемесе, шахталарда кен қазу қауіпті саналады. Қарағанды облыстық прокуратурасының ұсынысымен «АрселорМиттал» әкімшілік жауапкершілікке тартылып, кәсіпорынға олқылықтарды жедел жою туралы тапсырма берілді.