Өздеріңіз білесіздер, 1 қыркүйекте ҚР Президенті Қасым-Жомарт Тоқаев кезекті Қазақстан халқына Жолдауын жариялаған болатын. Сол Жолдау аясында осы күзде кезектен тыс Президенттік сайлау өтетіні нақты айтылды.
Бұл өте дұрыс шешім деп ойлаймын. Халықтың талқылауында өтті, құзырлы органдарының бәрі қарады. Сондықтан да Президентіміз Қазақстан халқына Жолдауында нақты суперпрезиденттік басқарудан саты-саты бойынша президенттік және де мықты парламент болу қажеттігін жеткізді.
Бұл сайлау науқаны өте әділ болатынын атап өтті. Осы жақында ғана «Аманат» партиясының XXIV кезектен тыс съезі өтті. «Жаңа Қазақстан құрамыз» деп отырмыз, алдымызда жаңа Қазақстанды үлкен белестерге шығару жоспары тұр.
Демократиялық қарқын қазір дамып келе жатыр. Сондықтан Президенттің нақты қадамдары осы – кезектен тыс сайлау өткізу. Сайлау болашақтағы Қазақстанның келбетіне, өсуіне өзінің нақты жолдарын белгілейді деп ойлаймын.