Белгілі заңгер Мейірман Шекеев композитор Арман Дүйсеновтің жары Айсұлу Айданқызына құқықтық көмек көрсететінін жариялады. Бұл туралы ол әлеуметтік желідегі жеке парақшасында мәлімдеді, - деп хабарлайды Аqshamnews.kz тілшісі.
Заңгердің айтуынша, Айсұлумен әңгімелескеннен кейін іс бойынша бірқатар күмәнді жайттар анықталған.
"Әуелі жолдасы Арманның, одан кейін баласы Абылайдың қазасы, енді міне сот қалған отбасы мүшелерін үйден шығару туралы шешім де шығарған. Маған ұсынылған құжаттарды зерделей отырып,бұл істің көлеңке жақтары өте көп екенін аңғардым. Бір отбасына соншама ауыртпашылықтың бірден төнуі әрине қиын жағдай. Мұндай кезде кешегі жақындары алыстап,қиындықпен көп жағдайда жалғыз қалатыны рас,десе де,Айсұлу ханымды қарапайым халық жалғыз қалдырмайық", – деп жазды Шекеев.
Айта кетейік, кейінгі айларда Арман Дүйсеновтің отбасы бірінен кейін бірі ауыр оқиғаларды бастан өткеріп, көпшіліктің де, қоғам өкілдерінің де назарында тұр.