Президентіміз көптеген маңызды мәселелерге тоқталды. Әсіресе, саяси реформалардың жүріп жатқандығына және ең бастысы әділетті Қазақстанды біртіндеп орнатып жатқандығымызға баса назар аударды.
Президент халықтың үкіметтің сөзін тыңдайтынына ерекше мән берді. Шынында да, халықтың пікіріне құлақ асу, олардың мәселелеріне назар аудару – жолдауда айтылған басты міндеттердің бірі. Халықтың әлеуметтік жағдайын жақсарту үшін не істеу керектігіне тоқталып өтті. Ол үшін шағын бизнесті орта бизнеске тарту қажет екенін және орта тап өкілдерінің санын көбейту керектігін айтты.
Сондай-ақ, еліміздің қуатты болуы осының бәріне байланысты екенін атап өтті. Саяси реформаларға қатысты мысалдар келтіріп, қазіргі кезде ауыл әкімдерінің 90 пайызы тікелей халықтың сайлауымен сайланғанын айтты. Келесі кезеңде аудан және облыс әкімдері де халықтың тікелей дауыс беруімен сайланатын болады.
Бұл да үлкен жаңалық. Президент жолдаудағы тоғыз негізгі мәселеге жеке-жеке тоқталып өтті. Әрбір Қазақстан азаматы осы жолдаудан өз қорытындысын шығарып, мемлекеттің дамуына өз үлесін қосу қажет деп ойлаймын.