Белгілі актриса әрі продюсер Дариға Бадықова мен актер Дархан Мұсаевтың отбасылық өміріне қатысты соңғы пікірталасқа актер Олжас Абай да үн қосты, деп хабарлайды Аqshamnews.kz тілшісі.
Олжас Абай әлеуметтік желідегі парақшасында өзіне қатысты айтылып жатқан сындар мен желідегі қауесеттерге жауап берді.
“Бір семьяны неге бұзасың деген жандарға” айтарым. Оу ағайын! өмірге реніші барлар, жаман сөз жазып мені жерден алып жатқандарың орынды емес. Осы уақытқа дейін мен түскен киноларды көріп, маладес деп қошамет соғып енді аяқ асты бір бір жақты ойланатын адамның “қызғанышына” сеніп менің өнерге деген ессіз сүйіспеншілігімді адамға деген шынайы қарым қатынасымды жерге таптамаңдар. Некедегі әйелге ажырамай жатып көз салатын мен не басында миы жоқ ессіз есалаң дейсіңдер ме. Аңдамай сөйлеген деген бар қазақта. Басымнан біреудің фантазиясын асырып отыра алмайды екем. Әр нәрсенің соңы болады. Ешкім жауапсыз қалмайды", – деп жазды актер.
Ол сондай-ақ өзінің көп жылдық еңбегін және өнердегі беделін атап өтті:
"15 жылда 25 тен аса кинотуындыға түсіп, рекорд жасап, халықтың милионның қошаметіне бөленіп Дариғадай мінезді мықты актрисамен партнер болып жұмыс жасап жетістікке қол созған мен - дәп сол жерден қателесіп қалмайтын шығармын. Басымды бала күннен тік көтеріп жүргем, ары қарай да жүре берем", – деді Олжас Абай.
Айта кетейік, бұған дейін Дариға Бадықованың бұрынғы жұбайы Дархан Мұсаев журналист Нұрсейіт Жылқышыбайға сұхбат беріп, 16 жылдық некесі, туыстарымен қарым-қатынасы және жеке өкініштері туралы айтқан болатын. Ол өзін "күшік күйеу" болғанына өкінетінін ашық жеткізген еді.
Ал Дариға Бадықова бұрынғы күйеуінің сөздерімен келіспейтінін мәлімдеп, неке кезінде "бақытты өмір болмағанын" және ажырасудың өз себептері бар екенін жазды.
Актерлердің жеке өміріне қатысты бұл пікірталас әлеуметтік желіде қызу талқыланып, жұрт арасында түрлі реакция тудырып жатыр.