Ақтөбе облысының және Хромтау ауданының Халықтық штабы мүшелері «Восход Ориель» ЖШС жұмысшыларымен кездесу өткізді. Кездесу барысында АЭС құрылысының маңызы, артықшылықтары және оның қоршаған ортаға әсері кеңінен талқыланды.
Облыстық халықтық штаб мүшесі Дәурен Мулдашев мемлекет басшысының АЭС салу мәселесіне қатысты жалпыұлттық референдум өткізу туралы бастамасының маңыздылығын атап өтті:
«Біз алғаш рет саяси жүйеге қатысы жоқ АЭС салу мәселесін халықпен бірге талқылап отырмыз. Бұл референдум арқылы президенттің «Халық үніне құлақ асатын мемлекет» тұжырымдамасын жүзеге асырамыз».