Ақтөбеде кәмелетке толмаған қызды зорлады деген күдікпен 64 жастағы зейнеткер ұсталды, - деп хабарлайды Аqshamnews.kz тілшісі "КТК" телеарнасына сілтеме жасап.
Күдіктінің ісі “кәмелетке толмағанды зорлау” бабы бойынша тергеліп жатыр. Кінәсі дәлелденсе, өмір бойына бас бостандығынан айыру жазасы тағайындалуы мүмкін.
Оқиға 13 қазанда болған: 9‑сынып оқушысының сабақ кезінде толғағы басталып, аудандық ауруханадан санитарлық авиациямен облыс орталығына жеткізілді; дәрігерлер оның жүкті екенін сол кезде анықтап, қыз ұл бала дүниеге әкелді. Бала 2770 грамм болып туған, анасы мен нәрестенің жағдайы қанағаттанарлық, олар облыстық перинаталдық орталықта дәрігерлер бақылауында.
Тергеу нұсқасына сай, баланың әкесі ретінде қыздың апасының күйеуі қарастырылып отыр. Ол қамауға алынды. Күдікті кінәлілігі сотта дәлелденгенге дейін кінәсіз деп есептеледі.