Қазақстанның Денсаулық сақтау министрі Ақмарал Әлназарова Azerbaijan Airlines әуе компаниясының ұшағы Ақтау әуежайында апатқа ұшырауына қатысты пікір білдірді, деп хабарлайды aqshamnews.kz
"Оқиға орнына ұшақ жіберілді. Жедел жәрдемнің 14 бригадасы аттанды. Қазіргі уақытта алты адамның аман қалғаны белгілі, бірақ олардың жағдайы өте ауыр," — деп хабарлады министрліктің баспасөз қызметі.
Кейбір бұқаралық ақпарат құралдарының мәліметінше, апаттың себебі құстармен соқтығысу болуы мүмкін. Алайда, Баку – Грозный бағытымен ұшқан ұшақтың Ақтау әуежайы үстінде қалай пайда болғаны белгісіз.
"Апат орнына травматологтар мен нейрохирургтарды жеткізу үшін санитарлық авиация дайындалды. Жарақат алғандарға оқиға орнында көмек көрсетілетін болады," — деді Ақмарал Әлназарова.
Бұған дейін Ақтауда апатқа ұшыраған ұшақтың ішінде қазақстандықтардың болғанын жазған едік.