Маңғыстау облыстық денсаулық сақтау басқармасының мәліметінше, Embraer 190 ұшағының апат орнына 22 жедел жәрдем бригадасы мен апат медицинасы орталығының алты бригадасы жіберілді, деп хабарлайды aqshamnews.kz
Басқарманың хабарлауынша, Әзербайжан әуе компаниясына тиесілі ұшақта баллон жарылған.
"Облыстық көпбейінді ауруханада 30 хирургиялық және травматологиялық төсек, сондай-ақ 10 реанимациялық төсек дайындалды. Облыстық балалар ауруханасы 20 төсек пен 10 реанимациялық орын дайындады," — деп хабарлады облыстық денсаулық сақтау басқармасы.
Медициналық мекемелерге 14 адам жеткізілді, оның бесеуі ауыр халде, олар реанимацияға жатқызылды. 11 жастағы бала қабылдау бөлімінде тексерілуде. Сонымен қатар, 16 жастағы жасөспірім де ауруханаға жеткізілуде.