Алматыда полиция АҚШ-тан келген қылмыстық сәлемдемені анықтады, - деп хабарлайды Аqshamnews.kz тілшісі Polisia.kz-ке сілтеме жасап.
Алматы қалалық ПД есірткі қылмыстарына қарсы күрес басқармасының қызметкерлері АҚШ-тан келген халықаралық пошта сәлемдемесін қалаға жеткізу әрекетін әшкерелеп, оның жолын кесті.
Сәлемдеменің ішінен өсімдік тектес есірткі затының айтарлықтай мөлшері табылды.
"Полиция қызметкерлері тыйым салынған заттардың заңсыз айналымын анықтау және жолын кесу мақсатында жедел және арнайы іс-шараларды тұрақты түрде жүргізіп отырады. Бұл - жалғыз жағдай емес, мұндай деректер бұған дейін де тіркелген. Осындай құқықбұзушылықтардың алдын алу бойынша жүйелі жұмыстарды жалғастырамыз. Заң барлығына бірдей, мұндай әрекеттер үшін жазаның бұлтартпастығы - жұмысымыздың басты қағидаларының бірі, - деді Алматы қалалық ПД есірткі қылмыстарына қарсы күрес басқармасының бастығы Мұрат Жұмабаев.
Бұл дерек бойынша соталды тергеу басталды. Күдікті қамауға алынды.