2020 жылы 5065 адам, 2021 жылдың 5 айында 2177 қандас өтініш білдірген.
«Қандастарды ақпараттық қолдау орталығы» ұйымына хабарласатын кандастар саны артып келеді, деп хабарлайды Almaty-akshamy.kz.
Орталық қызметі «Байланыс орталығынан» және облыстардағы «Фронт-кеңселерден» тұрады. Қандастарымыз «Отандастар қоры» бірыңғай ақпараттық орталығының 1404 телефон нөмеріне тегін қоңырау шалып, кеңес ала алады.
Қазақстанға көшіп келген қандастардың бейімделуіне, жәрдемдесу және шетелдегі отандастарға ақпараттық-консультациялық қызмет көрсету мақсатында 2019 жылдан бастап «Қандастарды ақпараттық қолдау орталығы» жұмыс істеп келеді.
«2019-2021 жылдың маусымына дейінгі аралықта орталыққа елімізге қоныс аударған қандастар мен шетелде тұратын этникалық қазақтардан барлығы 10690 өтініш келіп түсті», – деді «Отандастар қоры» КЕАҚ вице-президенті Мағауия Сарбасов 12 шілде күні «Шетелде тұратын қандастармен мәдени-гуманитарлық байланыстарды нығайту туралы» тақырыбында брифинг барысында.
Мамандардың айтуынша,2019 жылы орталыққа хабарласып, өтініш білдіргендердің саны – 3448 болған, 2020 жылы бұл көрсеткіш 5065 жетті, ал 2021 жылдың 5 айында – 2177 адам өтініш білдірген.